އިސްތިސްނާ އާމްދަނީ
އާންމުގޮތެއްގައި ޕާޓްނަރޝިޕަކަށް ލިބޭ ވިޔަފާރި އާމްދަނީން ޓެކްސް ދައްކަން ޖެހޭނެއެވެ. ނަމަވެސް، ތިރީގައި އެ ވާ ބައެއް ބާވަތްތަކުގެ އާމްދަނީއަކީ އިންކަމް ޓެކުހުން އިސްތިސްނާވާ އާމްދަނީއެވެ.
- ޑިވިޑެންޑް / ޕާޓްނަރޝިޕަކުން ބަހާ ފައިދާ
- ދިވެހިރާއްޖޭގައި ވަޒަންވެރި ވެފައިވާ ކުންފުންޏަކުން ދިވެހިރާއްޖޭގައި ވަޒަންވެރިވެފައިވާ ފަރާތަކަށް ލިބޭ ޑިވިޑެންޑް
- ދިވެހިރާއްޖޭގައި ވަޒަންވެރިވެފައިވާ ޕާޓްނަރޝިޕަކުން ދިވެހިރާއްޖޭގައި ވަޒަންވެރިވެފައިވާ އެ ފަރާތުގެ ޕާޓްނަރަކަށް ބަހާ ފައިދާ
- އިންޓްރެސްޓް
- ދިވެހިރާއްޖޭގެ ސްޓޮކް އެކްސްޗޭންޖުގައި ލިސްޓުކޮށްފައިވާ ކުންފުންޏަކުން ދޫކޮށްފައިވާ ސެކިއުރިޓީއަކާ ގުޅިގެން ލިބޭ އިންޓްރެސްޓް ނުވަތަ ފައިދާ
- ދިވެހިރާއްޖޭގައި ވަޒަންވެރިވެފައިވާ ޕާޓްނަރޝިޕަކުން އެ ޕާޓްނަރޝިޕްގެ ދިވެހިރާއްޖޭގައި ވަޒަންވެރިވެފައިވާ ޕާޓްނަރެއްގެ ކެޕިޓަލަށް ދައްކާ އިންޓްރެސްޓް
- ޤާނޫނެއްގެ ދަށުން ނަގާ ޓެކްސް
- މުދަލާއި ޚިދުމަތުގެ އަގުން ނަގާ ޓެކްސް (ޖީ.އެސް.ޓީ) ނުވަތަ ގްރީން ޓެކްސް (ޖީ.އާރް.ޓީ) ނުވަތަ އެ ނޫންވެސް ޓެކުހެއްގެ ގޮތުގައި ނަގައިފައިވާ އަދަދު އިންކަމް ޓެކުހުން އިސްތިސްނާ ވާނެއެވެ.
