ކުންފުންޏަކީ ދިވެހިރާއްޖޭގައި ވަޒަންވެރިވެފައިވާ ކުންފުންޏެއްތަ؟
ކުންފުންޏެއް ދިވެހިރާއްޖޭގައި ވަޒަންވެރިވެފައިވާ ފަރާތެއްގެ ގޮތުގައި ބަލާނީ އަންނަނިވި ޝަރުތުތަކުންކުރެ ޝަރުތެއް ފުރިހަމަ ވާނަމައެވެ.
- ކުންފުނި ދިވެހިރާއްޖޭގައި އިންކޯޕަރޭޓްކޮށްފައި ވުން؛ ނުވަތަ
- ކުންފުނީގެ ހެޑް އޮފީސް ދިވެހިރާއްޖޭގައި ހުރުން؛ ނުވަތަ
- ކުންފުނީގެ ހިންގުމާއި ކޮންޓްރޯލް ދިވެހިރާއްޖޭގައި އޮތުން
ކުންފުނި ވަޒަންވެރިވެފައިވާ ދުވަސް ބަލާނެ ގޮތް
ޓެކްސް އަހަރެއްގައި، ކުންފުނި ދިވެހިރާއްޖޭގައި ވަޒަންވެރިވެފައިވާ ފަރާތެއްގެ ގޮތުގައި ބަލަން ފަށާ ފުރަތަމަ ދުވަސް ގުނަން ފަށާނީ އަންނަނިވި ތާރީޚުތަކުންކުރެ ކުރިން އަންނަ ތާރީޚަކުން ފެށިގެންނެވެ.
- ކުންފުނި އިންކޯޕަރޭޓްކުރާ ދުވަސް؛ ނުވަތަ
- ކުންފުނީގެ ހެޑް އޮފީސް ދިވެހިރާއްޖޭގައި ގާއިމުކުރާ ދުވަސް؛ ނުވަތަ
- ކުންފުނީގެ ހިންގުމާއި ކޮންޓްރޯލް ދިވެހިރާއްޖޭގައި އޮތްކަމަށް ކަނޑައަޅާ ފުރަތަމަ ދުވަސް.
